Kveldsstemning ved Grunnavåg

Kveldsstemning, 20X60X5 cm, akryl på lerret, seld

Kjekt å mala fine stemningsbilete. Denne gongen blei eg inspirert av foto som Ruben Medhus la ut på Facebook. Med litt flytting av lys og brygge, blei dette resultatet. Takk til Ruben for inspirasjonsbilete.

Pingvinen og oss andre

Det er greitt å vera åleine,

av og til.

Det er 
nesten greitt 
å få ei lita kjensle av å vera einsam,

om det er forbigåande.

Men:

Om det blir kvardagen,

er det ikkje greitt

for pingvinen

og oss!

Haust

Når fargane spraker så det høyrest!
Postvegen, akryl på lerret 40X40 cm,i sveveramme i

sølv, seld,  og
 Ekely/Valen, akryl på lerret, 3x20x20 cm,
kr 400,-

Haust på Valen (1), 50x20x5 cm, akry på lerret, seld

Haust på Valen, utsikt mot Siggjo, seld

Haust på terassen, akryl på lerreti 30X30X3 cm, seld

Haust på Valen, 30X40 cm, akryl på lerretsplate, i gullramme, seld.

Haust på Valen 2, 30x40 cm, akryl på lerretsplate i gullramme, seld

Mathilde

Mathilde,

bygd i 1884 i Hardanger. Det tok nokre timar å mala den flotte jakta. Fleire timar tok det likevel for gjengen som restaurerte den i 1989. No er den å sjå langs kysten, og eg plasserte den utanfor kuauget "då me passerte".
Tittel: "Møte i rom sjø"

 

akryl på lerret, 50X60 cm med sveveramme i sølv, kr 1200,-

 

Kveldsstemning, 3x20x50 cm, akryl på lerret, kr 900,-

 

I'll do my crying in the rain

"I'll do my crying in the rain".

Strofa kjem luskande, lurande, inn i tanken min kvar gong regnet pøser ned.

Og det gjer det jo av og til.

Sidan eg begynte å mala, har eg hatt lyst å laga eit bilete av desse orda.

 I dag tok eg mot til meg og gjorde det.

Fordelen med å ikkje ha lært å mala, men prøva og feila sjølv, er at det er lov både å prøva og å feila. Eg hadde ein plan for dette biletet, men var redd det ikkje kom til å lykkast.

 Masse vatn, akryl og fleire lag.

Det blei ikkje heilt slik eg hadde sett det føre meg, men det fortel det eg vil fortelja.

 På Twitter kom desse orda som passa fint til biletet:

Magne Velle ‏@mvelle 

Hjartet skravla i veg,
men munnen tagde.
Eg håper du
las augo mine.

 Og kommentar fra
jan i.sørensen ‏@janinsor 

 Dråper stilnet i dans.
Noe ekspressivt over bildet her. Likte «dammen» også. Fint ordfølge også! @mvelle
...
Takk for orda Magne og Jan! Av og til blir heilskapen meir enn delane.

..
Barnebarn, 4 år, tolka biletet. Han såg fengsel, tårer, sjø, regn, damemunn, "lei seg" og smilefjes.
Kanskje augo er for blide?
Kva ser du?

..
Ps: Biletet har no funne vegen til ein ny vegg.

Eit minne frå krabbefisketida

Seinsommar - sol - krabbefiske

og så: 

Koking i krabbeboden til far

og krabbefest.

Slik var sommardagane før.

Sommardagar kan koma,

krabben kryp i teina,

men far er der ikkje til å koka og invitera til fest.

Dagen før gravferda hans

sette eg meg ned for å måla eit av mange tydelege minne.

Det blei dette, av lykkeboden.

Og det blei i akryl, sidan det skulle vera ryddig på bordet når gjestene kom.

Og godt var det, at det var akryl og turka fort,

for gjestene frå sørsida av Boknafjorden tok biletet med seg.

Trur nok eg må laga ein variant til 

av same motivet,

så eg kan dvela ved minnet og kjenna krabbelukta

- ein gong til.

Ps.
Det er mai 2015 og eit nytt bilete er klart. Du finn det her: Krabbelukke